Ylli hollivudian, Tom Cruise dhe ekipi i xhirimeve të “Mission Impossible 7”, janë në karantinë në Venecia për shkak të coronavirusit të përhapur në Itali.
Aktori ka arritur në Venecia më 20 shkurt për të filmuar vazhdimin e shtatë të filmit, sipas Jerusalem Post, duke cituar aktorin britanik Simon Pegg.
Për shkak të frikës nga coronavirusi, ekuipazhi i filmit është izoluar në hotelin Gritty Palace. Ata do të qëndrojnë në karantinë të paktën deri më 2 mars, transmeton KP.
“Mission Impossible 7” pritet të dalë në kinema në korrik të vitit të ardhshëm, por nuk është e sigurt nëse termini do të pësojë ndryshime.
Sipas informacioneve të fundit, 1.128 persona janë infektuar me coronavirus në Itali dhe deri më tani 41 kanë vdekur.
