Mbrojtësi i Interit, Joao Miranda, thotë se ka entuziazëm të madh në zhveshtore prej se zikaltrit janë renditur në krye të tabelës së Serie A.
Nerazzurrët fituan me rezultat 5-0 ndaj Chievos dhe pas triumfit të Juventusit ndaj Napolit në San Paolo, ekipi i Luciano Spallettit u ngjit në krye të tabelës.
“Ka shumë entuziazëm”, ka thënë Miranda për FCInterNews, gjatë pjesëmarrjes në një eveniment sportiv në Milano.
“Duhet të dëshmojmë se jemi një skuadër e fortë. Liderët nuk duhet të bërtasin në fushë, por duhet të udhëhiqe nga lojtarët shembullorë”, ka thënë 33-vjeçari.
Miranda është lojtar i Interit që nga viti 2015 kur u transferua nga Atletico Madridi.
Deri më tani këtë sezon, ai ka luajtur në 14 nga 15 ndeshjet e Beneamata në Serie A.
Në javën e ardhshme, Interi është mysafir i Juventusit për derbin e madh, Derby d’Italia.
Ajo përballje do të jetë një tregues i mirë se në çfarë drejtimi do të shkojë kampionati i sivjetmë në Itali. /Telegrafi/