May Golan, ministrja e Izraelit për të Drejtat e Ggrave, shprehu krenarinë për “rrënojat” e Gazës së rrethuar, dhe pretendoi se çdo foshnjë palestineze do t’u tregojë nipërve të vet “atë që bënë hebrenjtë”.
“Jam krenare për rrënojat e Gazës”, deklaroi ajo me gjakftohtësi në një fjalim fyes të mërkurën, transmeton Telegrafi.
Me shpërfillje rrëqethëse për banorët e Gazës, ajo vazhdoi: “Nuk më intereson Gaza, fjalë për fjalë nuk më intereson. Për sa më përket mua, ata mund të dalin dhe thjesht të notojnë në det”.
Komentet tronditëse të ministres nuk mbaruan me kaq.
Ajo shprehu një dëshirë shqetësuese për të dëshmuar shkatërrimin e Gazës, duke deklaruar me krenari, “personalisht jam krenare për rrënojat e Gazës dhe se çdo foshnjë, edhe pas 80 vjetësh, do t’u tregojë nipërve të tyre atë që bënë hebrenjtë”.
Gjatë fjalimit të saj, të cilin ministrja e ndau më vonë në platformën e medias sociale X, e njohur më parë si Twitter, fokusi i saj i vetëm mbeti në shkatërrimin e Gazës. /Telegrafi/
"I am personally proud of the ruins of Gaza, and that every baby, even 80 years from now, will tell their grandchildren what the Jews did."
May Golan, Israeli Minister of Social Equality & Women's Advancement
pic.twitter.com/jOEXBECOLn— Lowkey (@Lowkey0nline) February 21, 2024