Ministrja e Drejtësisë, Albulena Haxhiu, ka pritur sot në takim ambasadoren e Finlandës në Kosovë, Pia Stjernvall, të cilën e ka njoftuar për prioritetet dhe objektivat të cilat synon t’i realizon gjatë mandatit të saj.
Në takim u diskutua edhe rreth projekteve konkrete, ku ndër të tjera ministrja Haxhiu theksoi edhe njëherë rëndësinë e madhe që ka mbështetja që mund ta merr nga shteti finlandez me qëllim për të përmirësuar sistemin e sundimit të ligjit në vend.
Ministrja Haxhiu ka përshëndetur gatishmërinë që ka ambasadorja finlandeze për të bashkëpunuar me Ministrinë e Drejtësisë duke e parë si një partner shumë të rëndësishëm në bashkëveprim dhe koordinim të aktiviteteve në të ardhmen. /Telegrafi/
