Ministria e Drejtësisë bëri të ditur se ka marrë shkresën nga Lëvizja Besa, në cilën kërkohet që gjatë përgatitjes së ndryshimeve kushtetuese të merret parasysh ndryshimi i Amendamentit V të Kushtetutës.
“Ministria e Drejtësisë njofton se të gjitha kërkesat lidhur me ndryshimet kushtetuese do të propozohen dhe shqyrtohen në grupin punues që do të formohet së shpejti, në të cilin anëtarë do të kenë edhe partitë politike, përfshirë edhe partinë BESA”, shprehen nga Ministria e Drejtësisë.
Fatmir Sabriu nga Departamenti i Drejtësisë pranë Lëvizjes Besa sot në konferencë për shtyp para Ministrisë së Drejtësisë u shpreh se Maqedonia ndodhet në një moment historik dhe të rëndësishëm për të ardhmen e vendit.
“E vlersojmë si moment jashtzakonisht të volitshëm që përmes një kohezioni intra-etnik dhe ndër-etnik të korigjojmë gabimet historike që janë bërë përmes formulimeve jo adekuate në Kushtetutën e Republikës së Maqedonisë së Veriut dhe për të ndërtuar një kushtetutë e cila do jetë burim kryesor i paqes, tolerancës dhe vlerave demokratike. Andaj Lëvizja BESA në bazë të dispozitave të nenit 130 të Kushtetutës së Republikës së Maqedonisë së Veriut përmes kësaj kërkese i sugjeron dhe kërkon nga propozuesi i autorizuar i ndryshimeve kushtetuese, pra Qeverisë së RMV-së, që gjatë përpilimit të draft-verzionit për ndryshimet kushtetuese që do t’i dërgohet për debat Kuvendit të Republikës së Maqedonisë së Veriut”, u shpreh Sabriu nga Lëvizja Besa.
Më herët, edhe ministri Krenar Lloga u shpreh se krahas ndryshimeve kushtetuese që hapin rrugën drejt Bashkimit Evropian, ka mundësi të hapet Kushtetuta edhe në pjesën ku gjuha shqipet quhet 20%, ndërsa zv.kryeministri Bojan Mariçoq u shpreh se nuk është koha që të përfshihet gjuha shqipe./Telegrafi/