Ministri i bujqësisë, pylltarisë dhe ujërave, Ljupço Nikollovski, sot në Slloveni do të vizitojë Panairin për ushqim dhe bujqësi “AGRA FAIR 2017” që do të mbahet në Gornja Radgona.
Ky është edicioni i 55-të i panairit më të madh për ushqim dhe bujqësi në Evropën Qendrore, ku pritet të prezantohen më shumë se 1.700 ekspozues nga 30 shtete në botë, ndër të cilët edhe Republika Popullore e Kinës.
Për Republikën e Maqedonisë, si pjesë nga nisma “16+1” është siguruar hapësirë promovuese prej 9 m2, ku Ministria e bujqësisë, pylltarisë dhe ujërave do të prezantohet me prodhime bujqësore organike, si një ndër sektorët në ujqësi që ka potencial të madh për zhvillimin e shtetit tonë.
Në suaza të Panairit pritet që Ministri Nikollovski të realizojë takime me përfaqësues të lartë qeveritar nga vendet e Evropës Qendrore dhe Lindore./Telegrafi/