Fustani i modelit të këtillë i rri mirë pothuajse secilës figurë femërore.
Dama e parë franceze, Brigitte Macron, dhe bashkëshorti i saj, Emmanuel Macron, në Pallatin e Jelisesë kanë pritur mysafirët e vet – premierin libanez Saad Hariri dhe bashkëshorten e tij, Lara.
Për atë rast Brigitte ka veshur fustan mini me prerje A, i cili i rri për mrekulli secilës figurë femërore, transmeton Telegrafi.
Dama e parë e Francës ka zgjedhur fustanin ngjyrë vjollcë të errët me prerje A, i cili thekson bukur linjat e trupit.
Fustani i modelit të këtillë i rri për mrekulli pothuajse secilës figurë femërore, ndërkaq kësaj i ka kontribuuar ngjyra e errët.
Pjesa e sipërme e fustanit e 64-vjeçares Brigitte Macron është tërësisht e mbyllur derisa pjesa e poshtme zbulon këmbët, në të cilat bashkëshortja e kryetarit të Francës ka pasur të veshura gete najloni ngjyrë teni dhe këpucë me taka të larta të ngjashme me nuancën çfarë e ka edhe fustani.
Getet ngjyrë teni femrat i zgjedhin shpesh kur dëshirojnë që këmbët në veshje të shkurtra t’u duken sa më mirë, prandaj këtë truk e ka përdorur edhe dama e parë e Francës. /Telegrafi/
