Ajo ka kohë që nuk ka qenë aktive me ndonjë projekt të ri muzikor, megjithëse është mjaft e pranishme dhe më afër fansave e publikut në rrjete sociale.
Fjala është për këngëtaren Mimoza Shkodra, e cila prej më shumë se dy vitesh nuk ka sjell një këngë profesionale të realizuar me videoklip.
E njëjta duket se po rikthehet në skenë pas një pauzë, siç ka bërë të ditur me postimin e fundit të ndarë në Instagram.
“Një baladë apo një këngë verore?”, ka qenë pyetja e Shkodrës drejtuar ndjekësve shoqëruar me një imazh të vetes duke buzëqeshur.
Reagimet në komente ishin të menjëhershme, disa prej të cilëve dëshironin një baladë e disa të tjerë komentuan për një këngë verore.
Sido që të jetë, rikthimi i 36 vjeçares me padurim po pritet përkundër se nuk zbuloi më shumë për këngën e radhës.
E fundit që ka realizuar mbetet “Dy herë një gabim” në bashkëpunim me artistin Sabri Fejzullahu. /Telegrafi/
