Këngëtarja e njohur shqiptare, Mimoza Shkodra, ka festuar të enjte ditëlindjen e saj të 34-të.
Me këtë rast, ajo ka marrë urime të shumta nga miqtë, kolegët dhe familjarët e saj.
Në orët e vona të së enjtes, Shkodra publikoi në rrjetin social Instagram një fotografi, ku shfaqej me tortën e ditëlindjes dhe disa gota me shampanjë.
Në mbishkrimin e saj, ajo falënderoi familjarët dhe miqtë e ngushtë, që u kujdesën për këtë befasi të veçantë.
“Faleminderit miq, fansa dhe familjarët e mi, ju dua”, kanë qenë fjalët e saj përbri këtij imazhi.
Mimoza përndryshe është shumë aktive në muzikë me projekte muzikore që sjell herë pas here, të cilat gjithmonë priten mirë nga publiku. /Telegrafi/