Platforma shqiptare është marketing parazgjedhor i kryeministrit të Shqipërisë Edi Rama, tha Antonio Milloshoski i OBRM-PDUKM-së, duke vënë në dukje se roli i Ramës si mbikëqyrës në përgatitjen e platformës është në kundërshtim me parimet e Kombeve të Bashkuara dhe është një ndërhyrje e drejtpërdrejtë në punët e brendshme të një shteti sovran, përcjell Telegrafi Maqedoni.
“Ajo që bëri kryeministri Rama është marketingu i tij parazgjedhor që synon publikun e brendshëm shqiptar në Shqipërinë fqinje, por pavarësisht nga motivet e zgjedhjeve të Ramës që dëshiron ta paraqesë veten si një mbrojtës i shqiptarëve në rajon, dy gjëra janë të pasakta: E para, jo parimisht është që një kryeministër i një shteti të ndërhyjë në politikën e një vendi fqinj nëpërmjet krijimit të çdo projekti për hartimin e qeverisë në vendin fqinjë. Kjo është ndërhyrje në punët e brendshme të një shteti sovran dhe kundër parimeve të Kombeve të Bashkuara, me atë Rama ka bërë një shkelje’, tha ndër të tjera Milloshoski në TV Nova në emisionin ‘Studio e Hapur’, ku ishte i ftuar edhe ish kryetari i KSHZ-së, Aleksandar Novakovski.
Përveç kësaj, ai shtoi se Rama, në sytë e publikut, në një masë të caktuar i ka bërë dështakë përfaqësuesit e partive politike shqiptare në Maqedoni. /Telegrafi/