Antonio Milloshoski bën të ditur se deputetët e OBRM-PDUKM-së janë futur në kabinetin e kryetarit të deritanishëm të Kuvendit, Trajko Veljanoski, njofton Telegrafi Maqedoni.
Në profilin e tij zyrtar në Facebook, Milloshoski thotë se deputetët kanë mandat dhe përgjegjësi të respektojnë dhe mbrojnë Rregulloren e Kuvendit, Ligjet dhe Kushtetutën e Maqedonisë.
Ai reagon dhe thotë se asnjë politikan apo parti politike, ose platformë, siç thotë, e miratuar në një vend të huaj, nuk jep të drejtë për të shkelur Rregulloren. Milloshoski paralajmëron padi penale ndaj deputetëve Ferid Muhiq dhe Goran Misovski, siç thotë, për veprime jashtë rregullores dhe shkaktim të dhunës politike.
Ai thotë se dhuna politike, e as dhuna fizike në Kuvend nuk është për t’u arsyetuar. Përndryshe, Alsat-M thotë se jozyrtarisht, Talat Xhaferi nuk është lejuar të futet në kabinetin e Kryetarit të Kuvendit./Telegrafi/
