Viti 2017 solli të ardhura mjaft të majme për një numër të madh modelesh me famë ndërkombëtare.
Sipas “Forbes”, Kendall Jenner është ajo që radhitet e para sipas fitimeve për fitin 2017, duke fituar plot 22 milionë dollarë brenda vitit, e cila është dyfish më e madhe se sa shuma që fitoi vitin e kaluar, e cila ishte afro 10 milionë dollarë, transmeton Telegrafi.
Jo më keq ka mbetur edhe legjenda e modelizmit, Gisele Bundchen, e cila edhe pse e tërhequr paksa nga pasarelat viteve të fundit, ka arritur që nga fushatat reklamuese brenda vitit 2017, të sigurojë 17.5 milionë dollarë.
Chrissy Teigen renditet e treta në listë me 13.5 milionë dollarë të siguruara për këtë vit, falë bashkëpunimeve me kompanitë: MC Donalds, Vita Coco, Smirnoff, Vogue e Glamour.
Ndërkohë, ëngjëlli i “Victoria’s Secret”, Adriana Lima, këtë vit ka arritur të sigurojë të ardhura në vlerë 10.5 milionë dollarë.
Gigi Hadid, e cila ka qenë gjithashtu njëra ndër modelet më të përfolura, këtë vit rezultoi se fitoi afro 9.5 milionë dollarë nga reklamat e saj.
Diçka më pak arriti të fitojë edhe motra e saj Bella, e cila edhe pse më e vogël, bëri mjaft bujë, duke grumbulluar të ardhura në vlerë prej gjashtë milionë dollarëve brenda një viti. /Telegrafi/
