Reperi i njohur 2po2 ka pak muaj që ka publikuar albumin e tij më të fundit “2020”.
Plot 15 këngë ishin pjesë e këtij albumi, të cilat janë të gjitha të shoqëruara me klipe, duke thyer rekordin kështu si albumi i parë shqiptar i realizuar i gjithi me klipe.
“2020” solli këngë të reja, bashkëpunim por edhe disa prej hiteve të publikuara në vitet e fundit.
Sido që të jetë këngët e reja janë pëlqyer shumë dhe këtë e dëshmon edhe fakti që kanë miliona klikime në YouTube.
Reperi ka publikuar së fundmi në llogarinë e tij zyrtare në Instagram një fotografi, në të cilën shfaq gjashtë këngët e tij më të fundit të cilat janë pjesë e albumit, dhe kanë kaluar shifrat e milionëshit në klikimet në YouTube.
“Milionat” shkruan 2po2 përbri fotografisë, duke treguar për arritjen e suksesit të tij me projektin fundit “2020”. /Telegrafi/