Miliona britanikë u goditën nga një stuhi e fuqishme, dhjetëra mijëra mbeten pa energji elektrike

Miliona britanikë u paralajmëruan të qëndrojnë brenda dhe dhjetëra mijëra mbetën pa energji pasi mbrëmë e goditi ishullin stuhia Darragh.

Një paralajmërim i rrallë i kuq është lëshuar gjithashtu për erërat e forta që mund të jenë kërcënuese për jetën e njerëzve, shkruan bbc.

Pritet ndërprerje të konsiderueshme të energjisë elektrike në pjesën më të madhe të bregdetit të Uellsit dhe pjesë të Anglisë jugperëndimore.

Është anuluar edhe ndeshja e futbollit e Premierligës angleze mes Evertonit dhe Liverpoolit.

Priten shira shumë të dendur në shumë zona, veçanërisht në pjesët tashmë të prekura të Uellsit Jugor.

Lexo po ashtu Shtyhet derbi Everton-Liverpool vetëm disa orë para fillimit të ndeshjes

Gjithashtu janë anuluar fluturime të shumta të British Airways për dhe nga Heathrow, si dhe për në Paris, Shtetet e Bashkuara dhe Holandë.

Ndryshe, stuhia Darragh erdhi dy javë pas Bert, i cili goditi pjesën më të madhe të Mbretërisë së Bashkuar dhe shkaktoi përmbytje të rënda në pjesë të Uellsit, si dhe ndërprerje të energjisë elektrike në mijëra shtëpi në Irlandë. /Telegrafi/