Sulmuesi i Napolit, Arkadiusz Milik thuhet se u grabit me armë në rrugën e tij për në shtëpi pas fitores ndaj Liverpoolit.
Napoli siguroi një fitore minimale 1-0 ndaj finalistëve të Ligës së Kampionëve të sezonit të kaluar, me golin e shënuar nga Lorenzo Insigne.
Në këtë ndeshje për 68 minuta luajti edhe sulmuesi polak, Milik.
Sipas mediumit Il Mattino, sulmuesi i Napolit ishte në makinën e tij duke shkuar në shtëpi në orën 2 pas mesnate, kur ai u ndal në Varcaturo nga një motor që ia bllokoi rrugën.
Një nga dy njerëzit në motor iu afrua makinës dhe vuri armën në kokën e Milikit.
Kështu, sulmuesi polak u urdhërua që të dorëzonte një orë Rolex Daytona në vlerën e 20 mijë eurove.
Napoli star Arkadiusz Milik 'robbed at gunpoint' on way home after Liverpool win https://t.co/7AAK3xEcZG pic.twitter.com/qIwPZlD48R
— Mirror Football (@MirrorFootball) October 4, 2018
Të dy grabitësit i kishin fytyrat e tyre të maskuara nga helmetat, ndërsa ikën në drejtim të Licolas.
Policia po heton rasti dhe ende nuk ka dalë me ndonjë komunikatë. /Telegrafi/