Planet e miliarderit francez, Bernard Arnault, për të blerë klubin e madh italian, Milan, mbesin në rrugën e duhur.
Sipas mediumit Il Giornale, kryeshefi i kompanisë Louis Vitton është i bindur të përfundojë blerjen e Milanit nga Elliott Management gjatë 12 muajve të ardhshëm.
Dhe francezi tashmë po harton plane ambicioze për të njoftuar ardhjen e tij në botën e futbollit.
Arnault synon të arrijë një marrëveshje të bujshme për sulmuesin e Paris Saint-Germain, Kylian Mbappe.
Miliarderi francez e sheh nënshkrimin e Mbappes si një mesazh të fortë për pjesën tjetër të botës se Milani ‘është kthyer’.
📰 Giornale: Arnault-#ACMilan rumours reignite – Guardiola and Mbappe targetedhttps://t.co/k0iqZpxDRV #SempreMilan
— SempreMilan (@SempreMilanCom) July 29, 2020
Por, ai nuk do të ndalet këtu, pasi Arnault ka identifikuar menaxherin e Manchester Cityt, Pep Guardiola, si trajnerin që do ta drejtoj ekipin.
Arnault vlerësohet si njeriu i tretë më i pasur në botë me një vlerë neto prej 113.1 miliardë dollarësh. /Telegrafi/