Këngëtarja e famshme amerikane, Miley Cyrus, është duke i transmetuar emocionet e saj në muzikë.
Gati dy javë pasi i dha fund marrëdhënies së saj me Kaitlynn Carter, Cyrus, 26 vjeçe, zbuloi përmes disa postimeve në Instagram dhe Twitter se ajo ishte kthyer në studio për të krijuar muzikë të re – dhe po ndihej veçanërisht kreative dhe e motivuar.
Krahas fotografisë së vetes brenda studios, këngëtarja e “Slide Away” ka shkruar, “U ktheva në studio. Jam frymëzuar kaq shumë tani”.
Nën selfie, Miley gjithashtu ka shkruar me mirënjohje, “Faleminderit, hëna e re”.
Në një postim të dytë në Instagramin e saj, ylli ndau një selfie pasqyre, ku tregoi bluzën e bardhë me një palë xhinse, derisa shfaqej tejet atraktive nga studio.
Kthimi i këngëtares në studio vjen tre ditë pasi ajo tha se po vazhdonte të “dashuronte pa kushte”, pas ndarjes nga Carter, 31 vjeçe, në imazhin e ndarë me dy qentë e saj, nga të cilët siç tha ajo merr dashuri të sinqertë.
Të dy vajzat kishin kaluar kohë të mirë, meqë njoftuan ndarjet e tyre nga burrat përkatës, dhe një burim i tha më parë revistës People që ato jetonin së bashku në Los Angeles.
Përveç blogeres Carter, këngëtarja amerikane u nda edhe nga aktori Liam Hemsworth pas shtatë muaj martese. /Telegrafi/
