Kuqezinjtë dëshirojnë t’i blindojnë yjet e ekipit me vazhdimin e kontratave dhe ndryshimin e klauzolave të largimit.
Milan thuhet se është një milion euro larg përmbushjes së kërkesave të kontratës së Susos.
Sipas të përditshmes italiane, “Corriere dello Sport” raporton se bisedimet mbeten ‘miqësore’ midis ekipit dhe lojtarit, por klubi është i përgatitur vetëm që t’i ofroj ‘pak më shumë se katër milioën euro në sezon’.
Kjo është në kontrast me kërkesat e pretenduara të spanjollit prej pesë milionë plus bonuse dhe gazeta shkruan se hendeku “nuk duket i thjeshtë për t’u zvogëluar”.
Sulmuesit i kanë mbetur edhe tre vjet në dispozicion me Rosonerrët, por italanët duan të heqin klauzolën e lirimit prej 38 milionë eurove.
Futbollisti 25-vjeçar mbetet zgjedhja e parë për Gennaro Gattuso, megjithëse nuk ka shënuar apo asistuar që nga janari.
Ndryshe, Suso deri më tani është paraqitur 99 herë për ekipin e qytetit të modës dhe ka shënuar 18 gola. /Telegrafi/