Simon Kjaer ka pësuar një lëndim në ndeshjen Genoa – Milan, lëndim që ka qenë shumë më i rëndë se sa është pritur fillimisht.
Danezi është nënshtruar një operimi ku tanimë është bërë e ditur se do të mbetet jashtë fushave për plot gjashtë muaj.
Kjo ka bërë që Milani t’i ndryshoj edhe planet në afatin kalimtar, pasi tani janë të detyruar të transferojnë një mbrojtës.
Qendërmbrojtësi i Lazios, Luiz Felipe është bërë objektivi kryesor i Rossonerëve për repartin defensivë.
24-vjeçari është futur në vitin e fundit të kontratës me Lazios dhe nuk e ka pranuar vazhdimin e saj.
Milani po tenton të përfitojë nga kjo gjë, teksa do të fillojnë bisedimet me Lazion që ta marrin brazilianin në janar.
Lazio është e gatshme ta lejoj lojtarin të largohet në janar në mënyrë që të fitojë sado pak nga shitja e tij dhe mos t’i ik në qershor me parametra zero. /Telegrafi/