Kanë mbetur vetëm edhe dy ditë kur skuadra e madhe italiane Milan do të jetë në Kosovë.
Rossonerët më 10 gusht do ta zhvillojnë një ndeshje miqësore në kryeqytetin kosovar Prishtinë.
Kundërshtari i Milanit do të jetë kampioni në fuqi i Kosovës, Feronikeli.
Ky takim miqësor do të zhvillohet në stadiumin ‘Fadil Vokrri’ me fillim nga ora 20:45, por do të transmetohet edhe në RTV Dukagjini.
Milan ka publikuar një video në Twitter ku shihen futbollistët duke u stërvitur para ndeshjes me Feronikelin.
“Dy ditë nga ndeshja Feronikeli-Milan”, thuhet në njoftimin e klubit italian.
🎥 Milanello: two days to Match Day 🔥🔴⚫
🎥 2 giorni a Feronikeli-Milan 🔥🔴⚫#ForzaMilan pic.twitter.com/lwcdE65hag— AC Milan (@acmilan) August 8, 2019
Ndërsa më poshtë keni edhe disa fotografi nga stërvitja e Milanit e ditës së enjte. /Telegrafi/