Situata e mbrojtësit portugez, Joao Cancelo te Manchester City po tërheq interes nga klube të tjera.
Mbrojtësi i gjithanshëm nuk është në favor të menaxherit Pep Guardiola në City për momentin.
Ai ka qenë herë titullar dhe herë si rezervist, veçanërisht që nga pushimi i Kupës së Botës “Katar 2022”.
Sipas The Sun, Milani po vlerëson nëse një marrëveshje për të nënshkruar me Cancelo është e mundur.
Mbrojtësi ka një kontratë që zgjat deri në vitin 2027, duke qenë se ai ka rinovuar së fundmi marrëveshjen e tij.
Megjithatë, nëse ai është vazhdimisht në stolin e Cityt, ai mund të dëshirojë të largohet për të gjetur tek një skuadër tjetër futboll të rregullt. /Telegrafi/