Raportohet se Milani është shumë i interesuar për anësorin e Real Sociedadit, shqiptarin Adnan Januzaj, lojtari që ishin afër të nënshkruanin me të edhe para dy viteve.
Sipas gazetës spanjolle Mundo Deportivo, 24-vjeçari kërkon të largohet nga La Liga këtë verë, me Rossonerët që janë kthyer në tavolinë për bisedime.
Lojtari nuk e ka treguar shkëlqimin që e kishte kur debutoi me Manchester Unitedin në vitin 2013, ku i kishte dy huazime, te Borussia Dortmund dhe Sunderland.
Përfundimisht reprezentuesi i Belgjikës kaloi te Real Sociedad në vitin 2017 për 10 milionë euro.
Ai këtë sezon ka shënuar një herë në 20 paraqitje.
Po ashtu mësohet nga kjo gazetës se edhe klube si Real Madrid, Barcelona, Paris Saint-Germain, Sevilla dhe Ajax, janë duke e shikuar situatën e tij. /Telegrafi/
