Steven Bergwijn ka qenë shumë afër largimit në janar nga Tottenham Hotspur, por në fund ishte Antonio Conte që e bllokoi atë, në mungesë të transferimeve të reja.
Megjithatë e ardhmja e sulmuesit holandez është larg Londrës, pasi hapësirat për të kanë qenë të pakta.
Gjiganti italian Milan është duke monitoruar situatën e tij dhe Paolo Maldini e ka në listën e dëshirave.
24-vjeçari që luan në rolin e sulmuesit anësorë po pëlqehet nga Rossonerët që në verë pritet të tentojnë transferimin e tij.
Calciomercato ka raportuar se Milani mund të dalë me një ofertë në verë për lojtarin, teksa Tottenham do të ishte i kënaqur me 30 milionë euro.
Reprezentuesi holandez këtë edicion ka zhvilluar 18 ndeshje në të gjitha garat ku kryesisht i inkuadruar nga banka rezervë ka shënuar tre gola e ka asistuar në dy të tjerë.
Në garë për lojtarin është edhe Roma, Borussia Dortmund dhe Ajax. /Telegrafi/