Milani ka regjistruar fitore të rëndësishme përballë Romës (2-1) në Stadio Olimpico për të vazhduar ndjekjen e Interit në tabelën e Serie A.
Rossonerëve iu anulua një gol në fraksionin e parë të lojës, mirëpo pa shkuar në pushim ata arritën ta zhbllokonin rezultatin.
Franck Kessie e mori përgjegjësinë dhe arriti ta mposhtte portierin Pau Lopez (43’).
Në gjysmën e dytë, Giallorossët e barazuan rezultatin me golin e Jordan Veretout, i cili shënoi gol të bukur pas asistimit nga Leonardo Spinazzola.
Skuadra mysafire e riktheu epërsinë me golin e Ante Rebic (58’), i cili u asistua nga Alexis Saelemaekers.
Milani mban vendin e dytë në tabelë me 52 pikë, katër më pak se Interi që është lider i Serie A.
Roma mbetet në vend të pestë në tabelë me 44 pikë, dy më pak se Atalanta që mban vendin e katërt. /Telegrafi/
