Milani i është kthyer fitores në Serie A pas barazimeve ndaj Romës dhe Napolit, kuqezinjtë fituan ndaj Cagliarit me rezultat 3-0.
Skuadra nga Milani ishte dukshëm më e mirë dhe kjo ishte një fitore e lehtë dhe e merituar në San Siro.
Milani kaloi në epërsi në minutën e 13-të pasi Luca Ceppitelli shënoi autogol, ndërsa Lucas Paqueta thelloi epërsinë në minutën e 22-të. Krzysztof Piatek kishte rast të mirë për gol në minutën e 25-të, ndërsa me rezultat 2-0 përfundoi pjesa e parë.
Mysafirët e filluan mirë pjesën e dytë, ishte Joao Pedro ai që goditi shtyllën në minutën e 60-të, ndërsa pas dy minutave shënoi Piatek për Milanin.
Kuqezinjtë kërkuan golin deri në fund me anë të Hakan Calhanoglut (71′) dhe Suso (80′), por nuk e arritën dhe me rezultatin 3-0 përfundoi gjithçka.
Pas kësaj fitore Milani ngjitet në pozitën e katër me 39 pikë, katër më pak se Interi, por me pikë të barabarta me Atalantan dhe Romën. Skuadra e Gennaro Gattuso në xhiron e radhës do të luajë Atalantas.
Cagliari renditet në vendin e 15-të me 21 pikë, ndërsa në javën tjetër luan me Parman. /Telegrafi/
Ceppitelli's own goal makes it 1-0!#MilanCagliari #SerieA #ANewMilan #ForzaMilan pic.twitter.com/1EfXyceyKZ
— Milan Fans Macedonia (@MilanFansMKD) February 10, 2019
GOOOAL LUCAS PAQUETA
AC Milan 2⃣ – 0⃣ Cagliari
📽️ @AcmPassion pic.twitter.com/GocR4I9Ixr
— TeamMilanAC (@TeamMilanAC) February 10, 2019
GOAL! Piatek is there to turn in the rebound! pic.twitter.com/K7Of2PREYy
— MilanGifs (@MilanGifs) February 10, 2019