Milani ka fituar si mysafirë i Austria Viennas me rezultat të thellë 5-1, në një ndeshje ku shkëlqeu talenti portugez, sulmuesi Andre Silva.
Rossonerët kanë marr një fitore të madhe me dominim në udhëtimin e tyre te skuadra austriake, duke e filluar kështu mirë aventurën e tyre në Ligën e Evropës.
Serinë e golave për skuadrën e Vincenzo Montellas e nisi mesfushori turk, Hakan Calhanoglu, i cili shënoi në minutën e shtatë për 1-0 pas asistimit të Nikola Kalinic.
Vetëm tre më vonë u shfaq sulmuesi portugez, Silva, i cili shënoi për 2-0 pas asistimit të Calhanoglu, ndërsa në minutën e 20 portugezi shënoi për 3-0, poashtu me asistimin e mesfushorit turk dhe dërgoi skuadrat në epërsi me këtë rezultat.
Pjesa e dytë nisi me një gol të hershëm të mysafirëve, të cilët shënuan me anë të Alexander Borkovic, që në minutën e 47 shënoi për 1-3 pas asistimit të Raphael Holzhauser.
Në vazhdimin e ndeshjes, Milani iu ktheu përsëri golave, ku fillimisht ishte Silva që kompletoi het-trikun në minutën e 56 për 4-1 dhe me anë të Susos, i cili shënoi një supergol në minutën e 63 duke vendosur fitoren dhe rezultat përfundimtar 5-1.
Në ndeshjen e radhës, Milani e pret në shtëpi skuadrën e Rijekës, ndërsa Austria Vienna udhëton te AEK Athens. /Telegrafi/
https://twitter.com/acmilan_intl/status/908396345593081857