Milani thuhet se ka arritur një marrëveshje me vlerë prej 17 milionë eurove plus bonuset për të nënshkruar mesfushorin e Lazios, Lucas Biglia.
Faqja zyrtare e gazetarit të njohur italian Gianluca Di Marzios shkruan se Biglia duhet të largohet nga kampi i trajnimit të Lazios të premten, përpara përfundimit të transferimin të tij.
Është kuptuar gjithashtu se pika e kthesës në negociata ishte një bisedë telefonike midis presidentit të Lazios, Claudio Lotito dhe drejtorit të Rossonerëve, Marco Fassone.
Argjentinasi u bashkua me shokët e tij të Lazios në Auronzo di Cadore vetëm të enjten, por u përshëndet nga një grup i zemëruar tifozësh, duke i kërkuar atij që të mos largohej.
Biglia ka qenë një objektiv i Milanit gjatë gjithë verës, edhe pse klubi i Djallit ishte ngurrues për të përmbushur çmimin e kërkuar nga Biancocelestët për 20 milionë euro. /Telegrafi/