Sot jemi këtu në Bruksel që të dërgojmë porosi se qytetarët e Maqedonisë së Veriut dhe Maqedonia si shtet e meriton vendin e tij me 27 vendet e tjera anëtare të Bashkimit Evropian, dhe se vendi ynë është pikërisht këtu në tryezën e njëjtë bashkë me ato, sepse ne ndajmë vlera të njëjta dhe luftojmë për vlera të njëjta dhe besojmë në ato vlera, ndërsa ajo është që të jemi të bashkuar në dallime.
Këtë e porositi nga Brukseli kryeministri Hristian Mickoski, i cili në kryeqytetin e Bashkimit Evropian po kryeson një delegacion qeveritar në përbërje të të cilit janë ministri i Punëve të Jashtme dhe Tregtisë së Jashtme, Timço Mucunski, ministri i Çështjeve Evropiane, Orhan Murtezani, këshilltari i tij për punë të jashtme, ambasadori Markovski dhe shefi i kabinetit, Vladimir Neloski.
Zbatimi i Planit për rritje të Ballkanit Perëndimor, përpjekjet për integrim rajonal, si dhe mundësitë për avancimin e mëtejshëm të integrimit gradual mes Bashkimit Evropian dhe rajonit, do të jenë tema kryesore e Samitit të sotëm BE-Ballkani Perëndimor.
Në darkën e punës të Samitit, liderët do të bisedojnë edhe për kontekstin gjeopolitik dhe sfidat të cilat e prekin BE-në dhe rajonin e Ballkanit Perëndimor. Kryetari i Këshillit Evropian, Antonio Koshta, i cili do të kryesojë me Samitin, në ftesën për tubimin thekson se “konteksti i tanishëm gjeopolitik kërkon që të jepet momentum i ri në punën e BE-së me vendet e rajonit”.
Nesër, kryeministri Mickoski do të marrë pjesë edhe në Samitin e Partisë Popullore Evropiane (PPE), i cili do të mbahet para takimit të shefave të shteteve ose qeverive të anëtareve të BE-së.