Kryeministri i Maqedonisë së Veriut, Hristijan Mickoski njoftoi një marrëveshje me një operator turistik gjerman, i cili do të sjellë 35.000 turistë nga Evropa çdo vit.
Ata synojnë të zhvillojnë turizmin kulturor dhe ne të tregojmë kapacitetet tona kulturore që i kemi si qyteti i Ohrit, pastaj Shkupi si kryeqytet, pastaj qendra përkujtimore “Nënë Tereza” dhe pika të tjera kulturore.
“Ajo që është e rëndësishme të theksohet është se vetë agjencia “RSD” ka një xhiro vjetore mbi 1 miliardë euro dhe përveç turizmit merret edhe me fusha të tjera si marketingu, telekomunikacioni, energjia, hoteleria etj., pra përfaqëson një grup të madh kompleks.
Nga ky shkurt do të fillojnë të bartin praktikisht një avion çdo ditë turistë që vijnë nga Gjermania, Franca dhe Britania e Madhe, kjo do të thotë se sipas mesatares që është bërë deri më tani bazuar në përvojat e viteve të kaluara të punës së kësaj kompanie, kjo do të thoshte përveç kësaj, rreth 30 milionë euro shpenzime direkte këtu nga këta mysafirë që do të na vizitojnë, ose së bashku nëse llogarisim shpenzimet e akomodimit dhe të tjera, transportin etj., mund të arrijmë edhe shifrën prej 50 milionë euro”, tha Mickoski.
Mickoski tha se këta 35 mijë të ftuar praktikisht do të jenë në një turne ballkanik, ato turne ballkanik do të fillonin me një natë në Shkup, më pas vazhdon në Mal të Zi, Shqipëri, pastaj në Ohër ku do të ketë edhe një natë dhe përfundon me dy netë shtesë në Shkup do të thotë 4 netë./Telegrafi/
