Llapi ka mposhtur Gjilanin me rezultat 2-1 me ndeshjen që kishte fund dramatik.
Llapjant fituan një penallti e cila u kontestua shumë nga skuadra mysafire, megjithatë pasi Aridon Bllaca e priti fillimisht gjuajtjen e Muhamet Hysenit, gjyqtari Gramos Shala e përsëriti 11 metërshin ku në herën e dytë realizoi sulmuesi llapjan.
Pas ndeshjes ka shpërthyer trajneri i Gjilanit, Gentian Mezani. Tekniku vlonjat e ka quajtur Monstër gjyqtarin Shala duke thënë se një gjyqtar si ai nuk i duhet futbollit të Kosovës.
“Monstra të tillë si ky gjyqtar nuk duhen të ndajnë drejtësi kurrë. Nuk fitoj Llapi, fitoj gjyqtari. Këto lloj gjyqtarësh e prishin futbollin e Kosovës”.
“E ka parë gjithë Kosova. Federata duhet të marrë masa. Këtu nuk duhet të flitet për futboll sepse e dominuam Llapin. Këtu duhet të flitet për një monstër që vendosi ndeshjen”.
“Ai e vendosi ndeshjen dhe Federata duhet të marrë masa për gjyqtarë të tillë. Këta monstra vendosin ndeshjen dhe Federata duhet ta shikojë këtë ndeshje e ta dënojë atë”, ka thënë Mezani. /Telegrafi/