Mevlan Shaba doli të premten nga Big Brother VIP Kosova 3.
Ai solli histori të ndryshme në shtëpinë më të famshme në Kosovë, gjersa u përfshi në një ngjarje, e cila ka të bëjë me jetën private.
Teksa është prezent në Prime, ish-konkurrenti theksoi se ka qenë mirë dhe se çdo gjë është në rregull.
“Është çdo gjë në rregull”, u shpreh ai teksa po fliste për marrëdhënien me partneren aktuale.
Ndërkohë që u pyet për ish-të dashurën, ish-banori tha se nuk ka kontaktuar me të.
“Nuk ka pasur tentativë nga personat e tjerë që të më kontaktojnë”, shtoi ndër të tjerash Shaba.
Mevlani thotë se për të ka qenë një eksperiencë shumë e mirë dhe se normalisht është i zhgënjyer nga disa banorë. /Telegrafi/
