Thomas Meunier, mbrojtësi i PSG i cili luan në krahun e djathtë nuk ka frikë nga sfidat madje as nga rivaliteti me një emër të madh të futbollit si Dani Alves.
Pikërisht për shkak të transferimit te parisienët gjatë kësaj vere të mbrojtësit brazilian, belgu ka gjetur pak hapësira në formacionin e skuadrës së Unai Emery.
Megjithatë për të qëndruar PSG, belgu ka refuzuar një ofertë nga kampionët në fuqi të Anglisë.
Meunier i cili numëron shtatë paraqitje në Ligue 1 këtë sezon dhe tre gola të realizuar ka zbuluar një prapaskenë të tregut të transferimeve.
“E dija që PSG kishte firmosur me një tjetër mbrojtës të djathtë, por nuk e dija që ai ishte Dani Alves. Nuk dija çfarë të mendoja. Pyesja veten nëse do të qëndroja gjithmonë në stol”.
“Gjithsesi në ditën e fundit të tregut refuzova një ofertë të Chelseat. Jam i lumtur që luaj te Paris Saint Germain dhe nuk dua të largohem nga kjo skuadër”, nënvizoi Thomas Meunier në një intervistë për mediat belge.
Aktualisht PSG prin me 32 pikë, katër më shumë se Monaco në vendin e dytë në Ligue 1. /TCh/
https://www.youtube.com/watch?v=mf2a5isC36M