Gjatë fundjavës një qytet në Indi, ia bëri të detyrueshme banorëve bartjen e ombrellave në ambiente të jashtme, për të parandaluar përhapjen e coronavirusit.
Sipas mediave të huaja, përcjell Telegrafi, ky projekt u prezantua nga Ministri i Financave të shtetit të Keralas, Thomas Isaac, për të ndihmuar banorët e Alappuzhas të praktikojnë distancimin shoqëror.
Bëhet e ditur se qeveria lokale në këtë qytet do të shpërndajë të paktën 10 mijë ombrella për banorët e saj.
“Për të zbatuar distancën fizike, sipas vendimit të gjithë duhet të mbajnë ombrellë kur të dalin nga shtëpitë. Dy ombrellat e hapura, duke mos prekur njëra-tjetrën, do të sigurojnë distancën minimale prej një metër nga tjetri”, shkroi Isaac në Twitter./Telegrafi/
To enforce physical distancing, Thaneermukkom GP in Alappuzha, mandates that everyone hold umbrella when they go out of houses. Two opened umbrellas, not touching each other, will ensure minimum distance of one meter from one another. Umbrellas distributed at subsidized rate. pic.twitter.com/6qir4KXPSL
— Thomas Isaac (@drthomasisaac) April 26, 2020