Presidenti i Shqipërisë Ilir Meta është takuar në Tiranë me liderin e Lëvizjes Vetëvendosje, Albin Kurti.
Meta përmes një njoftimi në Facebook, ka thënë se me Kurtin ndau ide të vyera për forcimin e gjithanshëm të bashkëpunimit mes dy shteteve.
I pari i Shqipërisë ka thënë se qytetarët e dy vendeve meritojnë një të ardhme më të mirë dhe të sigurt europiane.
Postimi i Metës
Sot kisha kënaqësinë të prisja në një takim vëllazëror, liderin e Lëvizjes Vetëvendosje, Albin Kurti, fitues të zgjedhjeve të fundit në Kosovë.
E urova për fitoren, por mbi të gjitha për procesin e shkëlqyer zgjedhor, që realizoi Kosova.
Ndamë shumë ide të vyera për forcimin e gjithanshëm të bashkëpunimit mes dy vendeve tona dhe përshpejtimin e proceseve integruese, për të garantuar një të ardhme më të mirë dhe të sigurt europiane, që meritojnë qytetarët tanë.
