Messi trullos Caicedon, e ‘zhvlerëson’ duke e dribluar 130 milionë euroshin e Chelseat

Lionel Messi e ka zhvlerësuar yllin 130 milionë eurosh të Chelseat, Moises Caicedo, gjatë ndeshjes së Argjentinës me Ekuadorin.

Kombëtarja e Argjentinës i ka nisur me fitore 1-0 ndaj Ekuadorit, kualifikueset e Amerikës së Jugut për Kupën e Botës që do të zhvillohet pas tre vitesh në Shtetet e Bashkuara, Kanada dhe Meksikë.

Vendimtar në këtë fitore të Albicelesteve ishte ylli i skuadrës, Lionel Messi, i cili shënoi një gol të jashtëzakonshëm nga gjuajtja e lirë.

Messi ishte i papërmbajtshëm në minutën e 78-të të ndeshjes, duke shënuar nga një goditje e dënimit prej pak më shumë se 20 metrave duke mos i lënë asnjë mundësi reagimi portierit ekuadorian.

Lexo po ashtu Messi me supergol nga goditja e lirë i jep fitoren Argjentinës ndaj Ekuadorit

Megjithatë, 36-vjeçari argjentinas tregoi klas edhe në fusha tjera, duke treguar aftësitë e tij dribluese.

Në një moment, Messi trullosi mesfushorin e ri të Chelseat, Moises Caicedo, i cili u ble për hiç më pak se 130 milionë euro nga Brightoni.

Rrjetet sociale janë çmendur tashmë me komentuesit që thonë se Messi e ka ‘zhvlerësuar’ yllin e Chelseat. /Telegrafi/