Ylli argjentinas i Barcelonës, Lionel Messi nuk ka të ndalur dhe ka vazhduar me shtimin e rekordeve në karrierën e tij.
Messi prej kohësh vë rekorde në futbollin botëror, duke fituar shumë trofe ekipor, por edhe çmime të mëdha për arritje individuale.
Pas vendosjes së rekordit prej më shumë asistimeve në histori të La Ligas, me 148 të tilla dhe më shumë skuadrave të ndryshme që iu ka shënuar, plot 36, tani ka ardhur edhe një arritje nga Messi.
Sulmuesi i Barçës ka shtuar edhe një tjetër rekord në La Liga, pas golit të fundit në barazimin 1-1 në udhëtim te Las Palmasi.
Argjentinasi me golin e të enjtes në Estadio Gran Canaria do të thotë se ai tani ka shënuar në 36 fusha të ndryshme në La Liga.
Kështu, Messi ka arritur të lë prapa legjendën Raul Gonzales, i cili kishte shënuar me fanellën e Real Madridit në 33 stadiume të ndryshme.
10-shi i Barcelonës ka shënuar në plot stadiume në La Liga, ku ndër stadiumet që ka shënuar më shumë janë: Santiago Bernabeu, Vincente Calderon, Mestalla dhe Ramon Sanchez Pizjuan.
Ndryshe, pesë herë fituesi i Topit të Artë këtë sezon është duke kryesuar listën e golashënuesve deri tani në La Liga me 23 gola dhe 12 asistime. /Telegrafi/
?? Leo Messi adds another to his collection in La Liga. Today's goal in the Estadio Gran Canaria means he has now scored at 36 different grounds #LasPalmasBarça pic.twitter.com/0Ew1HJUwjQ
— FC Barcelona (@FCBarcelona) March 1, 2018