Messi, Rooney, Terry dhe shumë të tjerë po e ndihmojnë futbollistin që humbi të dy këmbët (Foto)

Shaun Whiter dhe Joey Abbs pësuan dëmtime të rënda si pasojë e goditjes së një veture gjersa po ndërronte gomën e makinës së tyre.

Whiter humbi të dy këmbët, ndërsa edhe Abbs ka pësuar një lëndim në këmbën e majtë.

Megjithëse te dy futbollistët kanë luajtur për klubet e rangjeve më të ulëta angleze, shumë gjigantë kanë vendosur t’i ndihmojnë ata, transmeton Telegrafi.

Lionel Messi u dërgoi fanellë me nënshkrimin personal, e cila do të jetë në ankand më 9 tetor. Gjithashtu edhe Arda Turan, Wayne Rooney, John Terry kanë vepruar si argjentinasi.

Paratë e mbledhura do të shkojnë në ndihmë për të dy ish-futbollistët e Cambridge City. /Telegrafi/