Lionel Messi ka mbajtur konferencën e parë për shtyp pas konfirmimit si lojtar i ri i Paris Saint-Germain dhe ka folur për ambicien e tij për të fituar trofe.
Paris Saint-Germain konfirmoi dje (e martë) gjatë mbrëmjes zyrtarisht transferimin e Messit si lojtar i lirë.
Messi nënshkroi një marrëveshje dy-vjeçare me PSG-në me opsion për të vazhduar për një vit të tretë.
Ylli argjentinas thuhet se do të fitojë plot 35 milionë euro në vit te klubi francez, ndërsa transferimi i tij është pritur me entuziazëm të madh nga të gjithë.
⚽ Live presentation of Leo Messi from the Parc des Princes 🔴🔵https://t.co/iAu1XNO7YF
— Paris Saint-Germain (@PSG_English) August 11, 2021
“Pritja që mora ishte e mrekullueshme. Ndihem tepër e lumtur. Mezi pres të filloj me shokët e skuadrës”, ka thënë fillimisht Messi.
“Shpresoj se do të jetë një vit i jashtëzakonshëm për tifozët dhe ekipin”.
“Më duhet të bëj para-sezonën i vetëm dhe shpresoj të jem në gjendje të luaj sa më shpejt të jetë e mundur”.
“Unë mendoj se ky klub është gati të luftojë për çdo trofe”.
“Kam ardhur këtu për të ndihmuar. Qëllimi im është që ta fitoj përsëri këtë trofe [Ligën e Kampionëve] dhe mendoj se Parisi është vendi më i mirë për të fituar përsëri këtë trofe”, përfundoi argjentinasi. /Telegrafi/