Superylli argjentinas, Lionel Messi, është kthyer në Barcelonë, për shkak të problemeve fizike.
Blaugranët i kërkuan Federatës së Futbollit të Argjentinës ta lejojnë atë të kthehet më herët, për t’iu nënshtruar ekzaminimeve mjekësore pas lëndimit që e pësoi në ndeshjen kundër Uruguait.
Futbollisti ka postuar një fotografi në Facebook, për të treguar se lëndimi nuk është aq serioz dhe se ai do të kthehet shumë shpejt në fushën e blertë.
“Gjithçka është mirë, duhet t’i ngadalësoj pakëz gjërat, sepse po rikuperohem me një fizioterapeut, por nuk ka asgjë për t’u shqetësuar. Faleminderit të gjithëve për mbështetjen tuaj”, ka shkruar Messi. /Telegrafi/
