Lionel Messi dhe Neymar janë lënë jashtë skuadrës së Mauricio Pochettinos për ndeshjen e Paris Saint-Germain në Ligue 1 ndaj Brest këtë të premte.
Pochettino tashmë ka komunikuar privatisht se kush do të përfshihet në Stade Francis-Le Ble, me Messin që i mungon ende forma optimale pasi u bashkua vonë me ekipin pas pushimeve të tij verore.
Argjentinasi, i cili u bashkua me PSG-në si transferim i lirë pas largimit të tij të papritur nga Barcelona në fillim të muajit, do të bashkohet në ekip me ish-shokun e skuadrës, Neymar dhe Leandro Paredes, të dy të cilët sapo janë kthyer në stërvitje të plota.
Në listën e ndeshjes së sotme padyshim se janë lojtarë si Kylian Mbappe, Mauro Icardi dhe Achraf Hakimi, të cilët ia sollën dy fitoret e para klubit kryeqytetas në Ligue 1.
Ekipi do të jetë edhe më i fortë këtë herë pasi Angel Di Maria, Marco Verratti dhe Marquinhos do të kthehen, ashtu sikurse edhe portieri Gianluigi Donnarumma.
⚽️🇦🇷🇫🇷 pic.twitter.com/EuYizGbNrh
— Paris Saint-Germain (@PSG_English) August 19, 2021
Shtyhet debutimi i Messit
Tifozët e PSG-së tani do të duhet të presin edhe pak para se ta shohin në aksion Messin, i cili thuhet se do të debutojë më 29 gusht në ndeshjen ndaj Reims.
Gjashtë herë fituesit i Topit të Artë me siguri do të jetë gati për të luajtur një pjesë në atë ndeshje, pasi tashmë ka filluar stërvitjen e plotë me pjesën tjetër të ekipit.
Messi, i cili ndihmoi vendin e tij të fitonte Kupën e Amerikës në korrik, fillimisht ra dakord të nënshkruante një kontratë të re me Barçën pasi u bë lojtar i lirë, por ata u detyruan të njoftojnë largimin e tij pas një karriere 21-vjeçare të ngarkuar me trofe në Camp Nou për shkak të problemeve të tyre të vazhdueshme financiare.
34-vjeçari më pas u mor nga PSG me një kontratë dyvjeçare dhe ai pritet t’i ndihmojë ata të luftojnë për trofe vendor dhe evropian kur të kthehet në formë të plotë. /Telegrafi/