Dueli i madh mes Wladimir Klitschkos dhe Anthony Joshuas mund të zhvillohet shumë shpejt.
Bild shkruan se tashmë T Mobile Arena në Las Vegas është bllokuar për datën 11 nëntor.
Kjo besohet se do të jetë data kur do të zhvillohet ri-meçi i duelit epik mes Anthony Joshuas dhe Wladimir Klitschkos.
Një konfirmim definitive pritet të vijë javën e ardhshme kur Klitschko do të konfirmojë nëse do të zhvillohet në këtë datë kjo përballje.
Ajo që dihet është se Klitschko duelin e 70-të në karrierën e tij do ta zhvillojë vetëm ndaj Joshuas dhe askujt tjetër, por vetëm koha e përballjes është në pikëpyetje.
Joshua mposhti në prill Klitschkon në raundin e 11-të me një nokaut teknik, /Telegrafi/