Nicola Peltz-Beckham ka ndarë një mesazh enigmatik për “njerëzit që e bëjnë të ndihet keq” mes thashethemeve se ajo nuk shkon mirë me nënën e burrit të saj, Victoria Beckham.
27-vjeçarja ka shpërndarë dy fotografi në Instagram, ku mund të shihen sytë e saj të kuq të përlotur.
Në një përshkrim emocionues, aktorja e re theksoi se “e ka të vështirë të tregojë trishtim”, duke shpjeguar se ardhja nga një familje e madhe e ka bërë shumë “të ashpër”.
“Ndonjëherë është e vështirë për mua të tregoj trishtimin tim. Rritja me shtatë vëllezër e motra dhe dy prindër të fortë, më bëri shumë të ashpër. Në mua është futur ajo që të mos i lejoj njerëzit të më rrëzonin ose të më lëndonin zemrën. Më bëri të ngre një mur për t’u mbrojtur, sidomos në këtë biznes.
“Të gjithë kemi ditë kur njerëzit na bëjnë të ndihemi keq dhe është mirë të lëndohemi nga kjo”, ka shkruar Nicola dhe ka shtuar se ka dashur të tregojë edhe këtë anë të vetes.
Në komente, ajo hasi mesazhe mbështetjeje nga fansat dhe miqtë e saj, si dhe nga bashkëshorti Brookylin.
“Ti ke zemrën më të mahnitshme. Të dua shumë”, i ka shkruar ai të zgjedhurës së tij.
Njoftimi i saj vjen menjëherë pasi filluan të qarkullojnë thashethemet se Nicola nuk është në marrëdhëniet më të mira me vjehrrën e saj, Victoria, duke bërë që disa të mendojnë se ky postim mund të jetë një “përgjigje” e tërthortë lidhur me këtë gjë.
Kujtojmë se një burim pranë familjes së famshme, kishte deklaruar së fundmi se Victoria dhe nusja e saj e sapomartuar “nuk e durojnë njëra-tjetrën dhe nuk flasin”. Burimi gjithashtu zbuloi se situata para planifikimit të dasmës ishte “e tmerrshme’ dhe se Nicola nuk donte që vjehrra të merrte pjesë në organizim, kështu që e mbante atë larg gjithçkaje.
Fansat e familjes së famshme kanë vënë re se Victoria dhe Nicola nuk i pëlqejnë postimet e njëra-tjetrës në rrjetet sociale, madje edhe ato nga muaji i mjaltit të çiftit të ri.
Nicola dhe Brookylin, i cili është katër vjet më i ri, u martuan në prill në pronën e aktores me vlerë 103 milionë dollarë, duke zhvilluar një ceremoni luksoze ku morën pjesë shumë të famshëm. /Telegrafi/