Këngëtarja e njohur shqiptare, Dafina Dauti, ditën e djeshme (e premte) i është bashkuar shtëpisë më të famshme në Kosovë, Big Brother VIP.
Ajo u prit jashtëzakonisht mirë nga banorët dhe duket se tashmë është ambientuar edhe me vendin.
Artistja së fundmi është parë në oborr të shtëpisë duke zhvilluar një bisedë me konkurrenten, Arta Selimi.
E njëjta ka qenë duke i rrëfyer një periudhë të rëndë të jetës, por që ka vazhduar me qenë e fortë për shkak të fëmijëve.
“Ka qenë një kohë kur unë as nuk kam mundur të flej, as të ha, as të pi, as kurgjo. Veç për fëmijët edhe kam thënë, ti je shumë e fortë edhe nuk bën të të shohin njerëzit se ke rënë përtokë. Në jetën time, krejt në jetë i kam pasur 58 kilogramë. Kur kam hyrë në banjë që të lahem kam parë që më kanë rënë flokët”, u shpreh ajo.
“Një herë kam qenë te një psikologe dhe më jo. Familja më kanë përkrahur edhe e kam pasur një shoqe që e përshëndes, e dua shumë që dy vjet nuk më është ndarë asnjëherë. Për mua është njeriu më i mirë që e kam njohur”, shtoi tutje Dauti.
Dafina ndryshe viteve të fundit ka bërë një tërheqje nga muzika, ndërsa ka qenë e fokusuar më shumë te fëmijët. /Telegrafi/