Adam Levine dhe Behati Prinsloo po zgjedhin të përqendrohen te fëmijët e tyre në një javë të trazuar.
Pas një sërë akuzash kundër këngëtarit të “Maroon 5”, 43-vjeçar, që dolën në pah në fillim të kësaj jave, një burim i afërt me supermodelen, 34 vjeçare, ka thënë për People se çifti po bëjne gjithçka që është e mundur për t’i mbajtur gjërat pozitive për fëmijët.
“Përqendrimi i tyre tani është vetëm të jenë prindërit më të mirë të mundshëm. Ajo është e lënduar dhe e mërzitur, por po frenohet për shkak të fëmijëve”, thotë burimi për çiftin, të cilët kanë vajzat Dusty Rose, 6 vjeçare, Grace 4-vjeçare dhe janë në pritje të një fëmije të tretë.
Burimi shton, “Ajo nuk është e kënaqur me Adamin, por ajo është shumë për të qenë pozitive. Ajo thjesht nuk beson në dramë. Ai nuk e fajëson atë dhe pranon se i pëlqeu vëmendja”.
“Ata janë duke punuar për martesën e tyre dhe planifikojnë të qëndrojnë së bashku”, përfundon burimi, duke shtuar se ende jetojnë së bashku në Montecito, Kaliforni.
Të mërkurën në mëngjes, çifti u fotografuan duke kryer punë në Montecito – vetëm një ditë pasi Levine lëshoi një deklaratë në rrjetet sociale në lidhje me akuzat nga modelja e Instagramit Sumner Stroh, e cila pretendoi në një TikTok tashmë viral se ajo kishte një vit lidhje me Levine.
Ajo nuk dha data se kur ndodhi lidhja e supozuar, por ndau në Instagram disa mesazhe që kishte shkëmbyer me muzikantin.
Pas kësaj, dolën edhe një sërë akuzash të tjera në drejtim të Levine. /Telegrafi/
