Meryem Uzerli është një prej aktoreve më të famshme turke që ka bërë për vete publikun shqiptar.
Ajo krijoi famë falë rolit të saj në serialin turk për sulltan Sulejmanin. Në serinë televizive me titull “Muhtesem Yuzyil”, ajo e portretizoi sulltaneshën Hyrrem dhe u pëlqye shumë nga shikuesit.
Aktorja së fundi po qëndron për pushime në ishujt fantastike të Maldiveve, ku po shijon rrezet e diellit.
Biondina e shndërruar së fundi në zeshkane ka publikuar disa fotografi në llogarinë personale në Instagram teksa shihet tejet seksi e veshur në bikini.
Meryem Uzerli është një aktore dhe modele turko-gjermane, e cila u bë e njohur pikërisht me rolin e sulltaneshës Hyrrem nga seriali “Muhtesem Yuzyil”, ku luajti gjatë viteve (2011–2013).
Për këtë rol, ajo mori kritika shumë pozitive dhe u vlerësua me disa çmime, në mesin e të cilëve edhe me çmimin ‘Flutura e Artë’ që u ndahet yjeve turke për sukseset në seriale televizive dhe në muzikë.
Ndryshe, Uzerli është duke punuar në projekte të reja filmike dhe seriale të ndryshme. /Telegrafi/