Historia e dashurisë së Taylor Swift dhe Matty Healy ka marrë fund.
“Ata janë të dy jashtëzakonisht të zënë dhe e kuptuan se nuk janë vërtet të përshtatshëm për njëri-tjetrin”, tha një burim i brendshëm për Entertainment Tonight të hënën.
“Miqtë e Taylorit duan atë që është më e mira për të dhe nuk janë të shokuar që lidhja e tyre u prish që kur ajo doli së fundmi nga një lidhje afatgjatë”, shtuan ata, duke iu referuar ndarjes së këngëtares “All Too Well” nga Joe Alwyn.
Vetëm disa orë më parë, një mik i afërt me situatën i tha TMZ se Swift është sërish beqare – vetëm një muaj pasi ajo dhe këngëtari i “The 1975” bënë publike lidhjen e tyre.
Edhe pse Taylor, 33 vjeçe, së fundmi tha se ajo “kurrë nuk ka qenë kaq e lumtur” mes romancës së re, fansat nuk e besuan këtë vendim kaq të shpejtë.
Shumë fansa madje e kritikuan këngëtaren për lidhjen me rokerin, 34 vjeç.
Fituesja e “Grammy” dhe Healy fillimisht ndezën thashethemet për romancë në fillim të majit pasi këngëtari i “Somebody Else” u pa në turneun e Swift në Nashville.
Kjo erdhi vetëm një muaj pasi artistja njoftoi ndarjen e saj nga Alwyn, me të cilin ishte në lidhje për gjashtë vjet. /Telegrafi/
