Merr fund ecuria pozitive e njeriut që u bë trajner nga Football Manager – pas 19 ndeshjeve pa humbje

Will Still e ka shijuar më në fund humbjen e parë te Reims, ndërsa historia e tij tashmë është e njohur për tifozët e futbollit.

Ai u bë trajneri i skuadrës franceze pas shkarkimit të spanjollit Oscar Garcia në tetor dhe është bërë sensacion në mbarë botën.

Will nuk ka ende një licencë profesionale të UEFA-s, andaj për të Reims duhet të paguajë njëzet e pesë mijë euro çdo lojë derisa të pajiset me një të tillë. Skuadra nuk shqetësohet nga kjo. Trajneri është treguar më shumë se i kualifikuar për këtë pozicion.

Lexo po ashtu Nga një lojtar në Football Manager, në një trajner që po korr suksese te Reims - kush është Will Still

Skuadra kishte shijuar një rrugëtim prej 19 ndeshjesh pa humbje, por në xhiron e 28-të, Still e shijoi një të tillë të hidhur.

Ishte Marseille, ajo që e mposhti Reimsin në shtëpi me rezultat 2-1, duke ia ndërprerë këtë rrugëtim magjik.

Skuadra kishte arritur të marrë nëntë fitore dhe dhjetë barazime, ndërsa në përballjen e 20-të pësoi disfatë. /Telegrafi/