Një frigorifer jashtë një lokali (mobil shop) kishte filluar të ndizej si dhe disa mbeturina përreth saj sot rreth orës 09:30 në rrugën “Fehmi Agani”, në Prishtinë.
Kështu bëri të ditur për Telegrafin shefi i Brigadës së Zjarrfikësve në Prishtinë, Malë Gashi i cili tha se zjarrin e kishte shuar pronari i lokalit dhe se zjarrfikësit nuk kishin intervenuar.
“Informata për zjarr në një lokal është pranuar në ora 09:35. Ekipet menjëherë kanë dal në vendin e ngjarjes. Kishte filluar të ndizej një frigorifer jashtë lokalit ‘Mobil Shop’ dhe ca mbeturina afër frigoriferit. Pronari kishte shuar zjarrin. Nuk kishte nevojë për të intervenuar”, ka thënë Gashi.
Edhe zëdhënësja e Policisë së Kosovës për rajonin e Prishtinës, Flora Ahmeti tha se në vendngjarje kanë dalë zjarrfikësit dhe policia është duke u marrë me rastin.
“Sot rreth orës 09:30, kemi pranuar informatën për një zjarr që ka përfshirë një lokal në rrugën ‘Fehmi Agani’ në Prishtinë. Në vendngjarje kanë dalë zjarrfiksit dhe policia të cilët janë duke u marrë me rastin”, ka thënë Ahmeti.
Ajo po ashtu se zjarri është lokalizuar dhe se raportohet vetëm për dëme materiale. /Telegrafi/