Kancelarja gjermane Angela Merkel ka thirrur për sot një takim urgjent të Këshillit të Sigurisë për të diskutuar mbi masakrën.
“Bëhet fjalë për një sulm çnjerëzor dhe mizor dhe nuk përjashtohen motivet terroriste”, tha Peter Altmaier, shefi i kabinetit të kancelares Merkel.
Shtetet e Bashkuara deklaruan se ajo që ndodhi në Munih ishte “një sulm i qartë terrorist”, që duhet të dënohet në mënyrën më të fuqishme.
Vrasësi, 18 vjeçar me prejardhje iraniane ka vrarë së paku 10 persona, në mesin e tyre edhe tre kosovarë.
Trupi i pajetë i autorit është gjetur rreth 1 kilometër larg vendit të ngjarjes. Mediat raportojnë se ai ishte vetëvrarë me një plumb në kokë.
