Mesfushori sulmues, Meriton Korenica, ka vendosur që të mos vazhdojë bashkëpunimi me Prishtinën.
Pas dy viteve të kaluara në këtë klub, ai ka falëndëruar të gjithë ata që e ndihmuan, duke e quajtur klubin si shtëpi të dytë të tij.
“Pas dy viteve të mrekullueshme, fitoreve, gëzimeve, por edhe zhgënjimeve, me zemrën plot dashni – Prishtinës, shpisë tem të dytë, sot po i them lamtumirë”.
“Falënderoj klubin e FC Prishtinës për të gjitha, trajnerët Mirel Josa, Armend Dallku dhe Artan Luzi , Stafin dhe të gjithë bashkëlojtarët me të cilët ishim si familje. Faleminderit tifozeria PLISAT dhe qytetarët e Prishtinës që më keni ofruar mbështetjen maksimale në çdo kohë, do të jem një prej jush gjithmonë!”, ka shkruar Korenica.
Lojtari pritet që të prezantohet në skuadrën e re në ditët në vijim, ku Ballkani duket e avantazhuar ndaj të tjetëve. /Telegrafi/